«Кальяри» билан ўйиндан сўнг афсонавий Паоло Мальдинининг ўғли Даниэль Мальдини олти киши жабрланган йўл-транспорт ҳодисасига учради. Энди воқеа тафсилотлари маълум бўлди.
Sport Mediaset хабар беришича, ҳодисадан сўнг Даниэль Мальдини шифохонада алкоголь ва наркотик моддалар бўйича тестдан ўтган.
Алкоголь бўйича ўтказилган ҳар икки тест ҳам ижобий натижа кўрсатган — нафас таркибидаги алкоголь миқдори мос равишда 0,91 ва 0,89 мг/лни ташкил этган. Наркотик моддалар истеъмоли бўйича дастлабки тест ҳам ижобий чиққан.
Айни пайтда токсикологик таҳлил натижаси кутилмоқда.
ЙТҲдан кейин Даниэль Мальдини жиддий муаммоларга дуч келиши мумкин.
