Матбуот «Челси»ни «Барселона» ярим ҳимоячиси Фермин Лопес билан боғлашда давом этмоқда. Маълумотларга кўра, «кўклар» бош мураббийи Хаби Алонсо футболчини жамоасида кўришни жуда хоҳламоқда. Аввалроқ Алонсо Ферминга шахсан қўнғироқ қилиб, трансфер ҳақида суҳбатлашмоқчи экани ҳақида хабарлар тарқалган эди.
El Nacional хабар беришича, «Барселона» президенти Жоан Лапорта Фермин Лопесни «Челси»га қўйиб юборишни истамаяпти. «Челси» футболчини қўлга киритишининг ягона йўли — 500 миллион евро миқдоридаги товон пулини тўлаш.
23 ёшли Фермин Лопеснинг «Барселона» билан амалдаги шартномаси 2030/2031 йилги мавсум якунига қадар амал қилади.
