Лондоннинг «Тоттенхэм» клуби бош мураббийи Роберто Де Зерби футболчилар машғулотлардан кейин қўшимча зарбалар устида ишлаш учун қолишларини айтди.

«Футболчилар тобора кўпроқ ишлашни хоҳлашмоқда. Мен улардан қолишни сўрамаяпман, буни ўзлари хоҳлашяпти. Улар ривожланишни исташяпти. Жамоа ўйинларда ғалаба қозона олмаётганимизни ва гол ура олмаётганимизни тушуниб турибди», — дея Де Зербининг сўзларини Telegraph келтирмоқда.

Премьер-лиганинг тўрт туридан сўнг «Тоттенхэм» атиги 2 очко жамғарган ҳолда турнир жадвалида 17-ўринда бормоқда. «Шпорлар» ҳозиргача чемпионатда бирорта ҳам гол урмаган, ўз дарвозасидан эса 5 та гол ўтказиб юборган. Энг сўнгги ўринда бораётган «Ковентри» ҳам ҳозирча гол ургани йўқ ва унинг ҳисобида 0 очко бор.