«Тоттенхэм»га тегишли бразилиялик ҳужумчи Ришарлисон ёзги трансферлар ойнасида фаолиятини давом эттириш учун бир нечта вариантга эга бўлган.
Инсайдер Экрем Конурнинг маълум қилишича, 29 ёшли форвардга «Эвертон», «Трабзонспор» ва «Васко да Гама» клублари қизиқиш билдирган.
Манбага кўра, Ришарлисоннинг Бразилия клубига ўтиши «Тоттенхэм»да ижара шартномалари бўйича белгиланган лимит сабаб амалга ошмаган.
Бразилиялик футболчининг лондонликлар билан амалдаги шартномаси 2027 йил июнь ойи охирига қадар мўлжалланган.
Ришарлисоннинг трансфер қиймати 25 миллион евро атрофида баҳоланмоқда.
