Собиқ "Ливерпуль", "Манчестер Сити" ва "Арсенал" футболчиси Раҳим Стерлинг май ойида содир бўлган йўл-транспорт ҳодисасидан сўнг хавфли тарзда автомобиль бошқарганини тан олди.
BBC хабарига кўра, футболчи Бейзингсток магистратлар судида иштирок этган. Стерлинг хавфли ҳайдовдан ташқари, истеъмол қилиш мақсадида азот оксиди сақлагани ва таҳлил учун намуна тақдим этишдан бош тортгани бўйича ҳам айбини тан олган.
Унинг автомобилидан азот оксиди солинган олтита баллон топилган.
Ҳодиса 28 май куни эрталаб содир бўлган. Lamborghini Urus бошқариб кетаётган Стерлинг йўл тўсиғига бориб урилган.
Полиция маълумотига кўра, аварияда бошқа автомобиллар иштирок этмаган ва ҳеч ким жабрланмаган.
Айни пайтда англиялик футболчи клубсиз қолмоқда. Унинг сўнгги жамоаси "Фейеноорд" бўлган.
