Ла Лига президенти Хавьер Тебас миллий чемпионатлар манфаатлари FIFA ва УЕФА сиёсати билан тўқнаш келаётганини таъкидлади.
"Менимча, асосий муаммо бошқарув билан боғлиқ. Энди жаҳон чемпионати кечроқ якунланади. Бу қарор биз билан маслаҳатлашмасдан қабул қилинди. Натижада биз бир ҳафтани йўқотдик ва бу янги мавсум стартида муаммо келтириб чиқарди.
Чемпионлар лигаси ҳам икки-уч турга узайди. Бу ерда бир мусобақа бошқасини сиқиб чиқаряпти.
Футболни фақат 20 та клуб манфаатини кўзлаб бошқариб бўлмайди. Ҳозир тизим шундай қурилганки, юқоридаги футболчиларда олтита эмас, еттита Ferrari бўлади, пастдагилар эса ишсиз қолади.
Бизда жуда жиддий муаммо бор. Агар шу йўсинда давом этсак, бизни секин ўлим кутмоқда", — деди Тебас.
