"Арсенал" бош мураббийи Арсен Венгер шартнома муддати якунлангач ҳам Лондон клуби билан ҳамкорликни давом эттиришга тайёрлигини маълум қилди. Хабарингиз бор, француз мутахассиси билан келишув 2014 йил ёзига қадар кўзда тутилган.

"Очиғини айтганда, бу ерда асрлар давомида ишлаб қолишни истардим. Аммо бунинг учун боқий яшаш талаб этилади. Лекин ҳозирча шу ерда эканман, мен севимли жамоамга қўлимдан келганча ёрдам беравераман.

Стен Кронкенинг қўллаб-қувватлаши мен учун катта шараф. У мени жамоага керак деб ҳисоблаши ёқимли. Бу ўзимга ишончни орттиради.

Яна шундан ҳам хурсандманки, мен ҳозир шартномани узайтиришни муҳокама қилиб ўтирмайман. Ҳозир бор диққат-эътиборим жорий мавсумга қаратилган ва ҳеч ким менинг бу жамоага садоқатимни шубҳа остига ола олмайди.

Аввало бирор муваффақиятли ишни амалга ошириш керак, янги шартнома - иккинчи даражадаги иш.

Бу ердаги ишимдан қониққаним учун кўплаб таклифларни рад этдим. Мен доимо "Арсенал"ни асосийси деб ҳисоблаганман. Нимани хоҳлашингни аниқ билиш эса жуда муҳим. Клубнинг обрўси мен учун қадрли.

Улардан миннатдорман. чунки охирги 17 йил давомида ҳам юксакларга кўтарилдим, ҳам пастга шўнғидим. Аммо ҳар доим ўзимги ишончим бор, ҳар доим ишимда нимани тўғри деб билсам ўшани бажариб келяпман", - деган Венгер билан интервьюни чоп этган ESPN.