«Ливерпуль»нинг ҳужумкор ярим ҳимоячиси Флориан Вирц яқин орадаги трансфер ойнасида «Бавария»га ўтмайди. Бу ҳақда журналист Кристиан Фальк CF Bayern Insider нашри учун маълум қилди.

Манбага кўра, ҳозирда «Бавария» Вирцни трансфер қилиш бўйича фаол музокаралар олиб бормаяпти, гарчи бу борада турли миш-мишлар тарқалаётган бўлса ҳам. Бундан ташқари, «Ливерпуль» футболчини сотишдан манфаатдор эмас.

Шу билан бирга, агар Вирц қачондир Германияга қайтишни истаса, унинг биринчи варианти айнан «Бавария» бўлиши таъкидланган.

Жорий мавсумда 23 ёшли ярим ҳимоячи барча мусобақаларда бешта ўйинда иштирок этиб, бирта голли узатма амалга оширди.

Вирцнинг «Ливерпуль» билан шартномаси 2030 йил июнь ойи охирига қадар амал қилади.