«Арсенал» вингер Нони Мадуэкени январь ойида ижарага бериш вариантини кўриб чиқишга тайёр. «Ювентус» эса футболчининг вазиятини диққат билан кузатиб бормоқда.

23 ёшли англиялик футболчи Микель Артета жамоасидаги ротацияда ўз ўрнини йўқотган. У жорий мавсумдаги 6 та ўйиндан 4 тасида майдонга тушиб, жами тахминан 100 дақиқа ҳаракат қилди.

Лондон клуби футболчининг трансфер қиймати пасайиб кетишини истамайди. Шу сабаб «Арсенал» Мадуэкега юқори савияда, жумладан еврокубокларда ҳам мунтазам ўйин амалиёти кафолатлайдиган клубга уни ижарага беришга тайёр.

Мадуэкенинг «Арсенал» билан амалдаги шартномаси 2030 йил июнь ойига қадар мўлжалланган.

«Ювентус» футболчини ижарага олишга нафақат тактик, балки молиявий сабабларга кўра ҳам қизиқмоқда. Турин клуби катта трансферларни амалга ошириш учун аввал футболчилар сотиши керак бўлиши мумкин.

Шунингдек, «Атлетико» ҳам Мадуэке ижарасига қизиқиш билдирмоқда. Айниқса, «Арсенал» келишувга футболчини бозор қийматидан пастроқ суммага сотиб олиш ҳуқуқини киритишга рози бўлса, мадридликларнинг қизиқиши янада кучайиши мумкин.