«Атлетико» ҳужумчиси Хулиан Альварес жароҳати сабаб «Осасуна»га қарши Ла Лига ўйинида ҳам майдонга тушмайди.

Аргентиналик футболчи мушак жароҳатидан тўлиқ тикланмаган. У ўтган дам олиш кунлари «Реал Сосьедад»га қарши учрашувни ҳам ўтказиб юборган эди.

«Шифокорлар билан гаплашганимга кўра, Хулиан Альварес ҳали ҳам тикланиш жараёнида. У эртагаги ўйинда иштирок эта олмайди», — деди «Атлетико» бош мураббийи Диего Симеоне.

Ёзда Альвареснинг келажаги атрофида кўплаб трансфер хабарлари тарқалган, жумладан унинг «Барселона»га ўтиш истаги ҳақида ҳам маълумотлар чиққан эди. Кейинчалик форвард яна «Атлетико» таркибига қайтарилди.

Альварес Чемпионлар лигаси янги мавсумининг илк турида «Ливерпуль»га қарши ўйинни асосий таркибда бошлаган эди.