«Атлетик Бильбао»нинг собиқ футболчиси Хулен Герреро «Реал» вингери Винисиус Жуниорнинг жорий мавсумдаги ўйинини танқид қилди.

У бразилиялик футболчи аввалгидек интилиш ва иштиёқ билан ҳаракат қилмаётганини айтди.

«Винисиусда аввалгидек амбиция ва хоҳишни кўрмаяпман. У ҳимоячиларни алдаш, ҳужум қилиш ва ўзига хос ҳаракатларни амалга оширишга бўлган иштиёқини йўқотгандек. У бироз хотиржамлашиб қолган ва кўп хатоларга йўл қўймоқда. Винисиус ғалабага бўлган истагини қайта топиши керак. Ҳозир у энг яхши ҳолатидан анча узоқда», — деди Герреро.