Собиқ футболчи Тони Кроос Германия терма жамоасининг уч нафар футболчисини ҳазил билан «нишонга олди». Бу воқеа Einfach Mal Luppen подкастида содир бўлди.
Кроосдан Германия терма жамоасининг яқиндаги йиғинига чақирилиши мумкин бўлган футболчилардан уч нафарини айтиш сўралди. Шартга кўра, у 2026 йилги жаҳон чемпионатида терма жамоа таркибида бўлган футболчиларни тилга олмаслиги керак эди.
«Мен жаҳон чемпионатида иштирок этмаган уч нафар футболчини айтаман: Мусиала, Вирц ва Павлович», — деди Кроос.
Бироқ бу уч футболчининг ҳам жаҳон чемпионати таркибида бўлганини яхши билган Феликс акаси атайлаб ҳазил қилаётганини бир неча сониядан сўнг тушунди.
«Нима? Улар қайси жаҳон чемпионатида иштирок этмаган? А-а, улар кўзга ташланмаган, демоқчимисиз?» — деди Феликс ҳазил билан.
