«Барселона» Ла Лиганинг дастлабки олти туридан сўнг турнир жадвалида пешқадамлик қилишда давом этмоқда.
Каталонияликлар ҳозирга қадар мумкин бўлган максимал натижани қайд этиб, 18 очко жамғарди.
«Реал» «Барселона»дан 3 очко ортда бормоқда. «Атлетико» ва «Севилья»нинг пешқадамдан ортда қолиши 5 очкони ташкил этмоқда. Бирта захира ўйинига эга «Бетис» эса каталонияликлардан 6 очко кам жамғарган.
Қуйи лигага тушиб кетиш зонасида 3 очкога эга «Малага», 2 очко жамғарган «Вильярреал» ва олти турдан сўнг 2 очкога эга «Эльче» жойлашган.
«Малага» ва «Вильярреал» пайшанба куни ўзаро баҳс олиб боради.
