Мадриднинг «Атлетико» клуби бош мураббийи Диего Симеоне марказий ҳимоячи Кристиан Ромеронинг ўйинидан мамнун эканини билдирди.

28 ёшли футболчи ўтган ёзда «Тоттенхэм»дан «Атлетико» сафига келиб қўшилган эди.

«Биз Ромерони икки йил давомида кузатдик. Унинг ўзи ҳам шу икки йил мобайнида бизга ўтишни истаган.

Клуб трансфер амалга ошиши учун жуда катта саъй-ҳаракат қилди ва у ҳозир бизга айнан керак бўлган нарсани бермоқда.

У шу тарзда давом этиб, камтарлигини сақлаб қолишига умид қиламан. Унда кучли характер ва катта обрў бор — бизга айнан шундай футболчи керак эди.

У “Атлетико”нинг муҳим фигураларидан бирига айланиш учун келди», — деди Симеоне.

Кристиан Ромеро чоршанба куни «Осасуна»га қарши учрашувда ҳам жамоасига ёрдам берди. «Атлетико» мазкур баҳсда 4:0 ҳисобида ғалаба қозонди.