«Интер Майами» клуби эгаси Дэвид Бекхэм Лионель Месси бу йил фаолиятидаги тўққизинчи «Олтин тўп»ни қўлга киритиши керак, деб ҳисоблайди.
«Қайронлар» Кампеонес кубоги финалида Мексиканинг «Крус Асуль» клубини 2:0 ҳисобида мағлуб этиб, мусобақа ғолибига айланди. Аргентиналик юлдуз футболчи аввал гол урди, кейин эса Каземирога голли узатма берди.
«Месси «Олтин тўп»ни қўлга киритиши керак. У жаҳон чемпионатининг энг яхши футболчиси бўлган, деб айтиш мумкин. Шунингдек, у ўтган мавсумни ҳам жуда яхши ўтказди. Жаҳон чемпионатида у кўрсатган даражада таъсир ўтказа олиш... 39 ёшида бундай натижага бошқа ҳеч ким эриша олмасди», — дея Бекхэмнинг интервьюдаги сўзларини All About Argentina нашри келтиради.
«Олтин тўп»ни топшириш маросими 26 октябрь куни бўлиб ўтади.
