«Милан» мавсумдаги илк мағлубиятини қабул қилиши биланоқ клуб манзилига танқидлар ёғила бошлади. Жамоанинг собиқ бош мураббийи Фабио Капелло ҳам бу борада ўз фикрини билдирди.

«Аморим прессинг ва рақиб майдонининг юқори қисмида тўпни олиб қўйиш ҳақида гапиради — рақиб жамоа агрессив ҳаракат қилди, аммо бугун «Милан» томонидан бундай ўйинни кўрмадик. Бу жамоа ҳеч қандай янгилик намойиш этмади: унинг ҳимоясида жиддий муаммолар бор. Улар Чемпионлар Лигасига чиқа олмади, чунки ҳимояланишни билмайди. Бугун рақиб қарши ҳужумга ўтган ҳар бир вазиятда буни кўрдик: жамоа ҳимояда ҳаракат қилаётганда тўғри мувозанатни топа олмаяпти», — дея мутахассиснинг сўзларини pianetamilan.it нашри келтиради.

Эслатиб ўтамиз, «Милан» Европа Лигасида «Бенфика»га 0:2 ҳисобида мағлуб бўлди.