"Барселона" ҳужумчиси Рафинья Диас жамоа бош мураббийи Ханс-Дитер Флик билан илиқ муносабатда эканини айтди.
Бразилиялик футболчи "Расинг"га қарши 7:2 ҳисобида якунланган учрашувда хет-трик қайд этгач, финал ҳуштагидан сўнг Фликни қучоқлади.
"Мен буни доимо айтганман ва айтишда давом этаман. Флик — топ-мураббий. У менинг фикрлаш тарзимни ва ўзимга бўлган муносабатимни ўзгартирди.
Шунинг учун ундан жуда миннатдорман. Ҳар қандай имкониятда унга миннатдорлигимни кўрсатишга ҳаракат қиламан", — деди Рафинья.
"Барселона" Испания чемпионатининг 6-турида "Расинг"ни 7:2 ҳисобида мағлуб этди. Каталонияликлар ушбу ғалабадан кейин 18 очко билан турнир жадвалидаги пешқадамлигини сақлаб қолди.
