«Тоттенхэм»нинг собиқ футболчиси Гарет Бэйл жамоанинг жорий мавсум еврокубокларга йўлланма олиш имконияти ҳақида фикр билдирди.
Бэйлнинг фикрича, «Тоттенхэм» келгусида натижаларини яхшилаши мумкин. Чунки таркибдаги жиддий ўзгаришлардан кейин жамоага мослашиш учун вақт керак.
«Умид қиламанки, «Тоттенхэм» еврокубокларга чиқишни уддалайди. Аммо жамоа Англия Премьер-лигасида икки мавсум кетма-кет 17-ўринни эгаллаганини ҳисобга олсак, эҳтимол, кутилаётган натижаларни бироз пасайтириш керакдир», — деди Бэйл Sky Sports нашрига.
«Тоттенхэм» жорий мавсум АПЛнинг дастлабки 4 турида атиги 2 очко тўплади. Роберто Де Дзерби бошчилигидаги жамоа турнир жадвалида 17-ўринни эгаллаб турибди.
Лондон клуби 5-турда ўз майдонида «Астон Вилла»ни қабул қилади. Учрашув 19 сентябрь куни бўлиб ўтади.
