«Наполи»да ижара асосида ҳаракат қилаётган «Ливерпуль» дарвозабони Хосе Рейна ортиқ Англияга қайтмаслигини маълум қилди.
«Келаси мавсумда «Ливерпуль»да ўйнашимни тасаввур қила олмайман. Жамоа Симон Манолени сотиб олди ва мураббий уни мендан устун деб билди. Шунинг учун мен «Наполи»даман, Симон эса келаси мавсум ҳам ўйнайди.
Мен «Наполи»га ўтганимдан афсусланмайман, лекин дўстларим билан бошқача хайрлашишни хоҳлаган эдим. Ҳаммаси кутилмаганда бўлди. «Ливерпуль» менинг трансферимга розилик билдирди. Мен ўшанда таътилда эдим. «Наполи» раҳбариятидан менга қўнғироқ қилишди ва «Ливерпуль» менинг трансферимга розилик билдирганини айтишди.
«Ливерпуль»дан эса икки кун ўтгач қўнғироқ қилишди. Балки ўзларининг режалари бўлгандир»,- дейди футболчи.
Шуни ҳам таъкидлаш жоизки, футболчининг «Ливерпуль» билан шартномаси яна уч йил амал қилади.