Испания қироллик футбол федерацияси ўз веб-сайтида Испания Суперкубогини ўтказиш режасини эълон қилди. Маълумки, мусобақа соврини Туркияда ўйналади.
«Барселона» ва «Атлетико» тўқнаш келадиган биринчи ярим финал 2027 йилнинг 2 февраль, сешанба куни бўлиб ўтади. Жамоалар «Фенербаҳче»нинг тахминан 48 минг томошабинга мўлжалланган уй стадионида майдонга тушишади.
Кейинги куни, 3 февраль куни «Реал Сосьедад» ва «Реал» ўртасидаги иккинчи ярим финал ўйини бўлиб ўтади. Ушбу беллашувни «Бешикташ»нинг 42 мингга яқин мухлисни қабул қила оладиган уй аренаси қабул қилади.
Суперкубок финали 6 февраль, шанба куни бўлиб ўтади. Учрашув 53 мингдан ортиқ ишқибозларни ўз бағрига сиғдира оладиган «Галатасарай»нинг уй аренасида ўтказилади.
