«Кристал Пэлас» ҳимоячиси Крис Ричардс Европа лигаси умумий босқичи 1-турида «Лех» устидан қозонилган 4:0 ҳисобидаги ғалабага изоҳ берди.

«Кеча ажойиб ўтди! Ўз майдонимизда дарвозамизни дахлсиз сақладик — бутун мавсум давомида бунинг учун қаттиқ меҳнат қилдик. Менимча, бу натижага муносиб эдик.

Бундан ташқари, бир нечта футболчимиз гол уришга муваффақ бўлди, улар орасида мен ҳам бор. Шунинг учун, назаримда, бу мавсум учун жуда яхши бошланиш бўлди», — дея Ричардснинг сўзларини УЕФА расмий сайти келтирди.

Европа лигаси умумий босқичи 2-турида «Кристал Пэлас» «Лион»га қарши баҳс олиб боради, «Лех» эса «Байер» билан учрашади. Ҳар икки ўйин 15 октябрь куни бўлиб ўтади.