Франциянинг «Лион» клуби Европа лигасида «Андерлехт»га қарши ўйинда ўзига хос статистик натижани қайд этди. Жамоанинг бошланғич таркибида сўнгги 15 йил ичида илк бор клуб академиясидан етишиб чиққан бирорта ҳам футболчи бўлмади.

«Лион» таркиби фақат бошқа клублардан жалб қилинган футболчилардан ташкил топди.

Бундай ҳолат сўнгги бор 2011 йилда, яъни «Лион»нинг еврокубоклардаги бундан аввалги 118 та ўйинидан олдин кузатилган эди. Ўшанда француз клуби Амстердамнинг «Аякс» жамоасига қарши баҳсда ҳам бошланғич таркибга бирорта ўз тарбияланувчисини киритмаган.

Манба бу ҳолатни клубнинг ёшлар тизимидаги муаммолар билан боғламоқда.

Кубокларга келсак, «Лион» сўнгги бор 2012 йилда соврин қўлга киритган. Ўшанда жамоа Франция кубоги ва мамлакат Суперкубогида ғолиб чиққан эди.