«Болонья» бош мураббийи лавозимига Раффаэле Палладино тайинланди. У бу лавозимда аввалроқ истеъфога чиқарилган Доменико Тедесконинг ўрнини эгаллади.

Палладино бунга қадар «Монца» ва «Аталанта» жамоаларида ишлаган. У «Болонья» таклифини қабул қилишга нима ундаганини ҳам изоҳлади.

«Клуб ва раҳбарият менга шунчаки мураббийлик лавозимини эмас, балки тўлиқ ва жиддий лойиҳани таклиф қилди. Бундан жуда хурсандман. Бу ердаги ижобий муҳит менда ажойиб ҳис-туйғулар уйғотмоқда.

Энди, эҳтимол, бироз сўниб қолган иштиёқни қайта тиклашимиз керак. Жамоа билан бирга бу йўлни бошлашга тўлиқ тайёрман», — дея Палладинонинг сўзларини derbyderbyderby.it келтирди.

Айни пайтда «Болонья» Италия А Серияси турнир жадвалида 16-ўринни эгаллаб турибди.