«Астон Вилла» бош мураббийи Унаи Эмери «Манчестер Юнайтед»дан жамоага қўшилган Алехандро Гарначо нега ҳозирча мунтазам майдонга тушмаётганини тушунтирди.
«Гарначо ишлашда, ишлашда ва яна ишлашда давом этиши керак. Унинг майдондаги вақти албатта келади ва ўша имкониятдан фойдаланишга тайёр бўлиши шарт.
Мен кутишга тайёрман. Унда керакли формага кириб олиш учун етарлича вақт бўлади», — дея Эмерининг сўзларини derbyderbyderby.it келтирди.
Эслатиб ўтамиз, «Астон Вилла» Англия Премьер-лигасида мавсумни жуда омадсиз бошлади. Жамоа тўрт турдан кейин бир очко билан турнир жадвалида сўнггидан олдинги ўринда бормоқда.
