Франциянинг «Ланс» клуби мавсумни омадсиз бошлагани сабаб бош мураббий Дино Топмёллер билан хайрлашган эди.
Клуб раҳбарияти унинг ўрнига аввал Топмёллер ёрдамчиси бўлиб ишлаган, «Бастия»нинг собиқ машҳур футболчиси Янник Каюзакни жамоа бошқарувига тайинлади.
Бироқ бу ерда жиддий муаммо бор. derbyderbyderby.it хабарига кўра, Каюзак ҳозирча тегишли мураббийлик лицензиясига эга эмас.
Регламент бундай мураббийга жамоани бошқаришга рухсат беради, аммо ҳар бир ўйин учун клуб Лигага 25 минг евро миқдорида жарима тўлаши керак.
Айни пайтда «Ланс» Франция чемпионати турнир жадвалида 10-ўринни эгаллаб турибди.
