Fransiyaning «Lans» klubi mavsumni omadsiz boshlagani sabab bosh murabbiy Dino Topmyoller bilan xayrlashgan edi.

Klub rahbariyati uning o‘rniga avval Topmyoller yordamchisi bo‘lib ishlagan, «Bastiya»ning sobiq mashhur futbolchisi Yannik Kayuzakni jamoa boshqaruviga tayinladi.

Biroq bu yerda jiddiy muammo bor. derbyderbyderby.it xabariga ko‘ra, Kayuzak hozircha tegishli murabbiylik lisenziyasiga ega emas.

Reglament bunday murabbiyga jamoani boshqarishga ruxsat beradi, ammo har bir o‘yin uchun klub Ligaga 25 ming yevro miqdorida jarima to‘lashi kerak.

Ayni paytda «Lans» Fransiya chempionati turnir jadvalida 10-o‘rinni egallab turibdi.