Миланнинг "Интер" клуби собиқ ҳужумчиси Эдди Сальседо Россия Премьер-лигаси клубларидан бирига ўтишга яқин.
"Чемпионат" хабарига кўра, 24 ёшли италиялик футболчи Қозоннинг "Рубин" клуби сафига қўшилади. Клуб ва футболчи бир йиллик шартнома имзолаш бўйича келишувга эришган. Битимни яна бир мавсумга узайтириш имконияти ҳам кўзда тутилган.
Ўтган мавсум Сальседо Грециянинг ОФИ клуби шарафини ҳимоя қилди. У 36 та учрашувда майдонга тушиб, 13 та гол урди ва 3 та голли узатмани амалга оширди.
Футболчининг бозор қиймати 1,5 миллион евро атрофида баҳоланмоқда.
Россия чемпионатининг 9 туридан кейин "Рубин" 12 очко билан турнир жадвалида 7-ўринни эгаллаб турибди.
