Milanning "Inter" klubi sobiq hujumchisi Eddi Salsedo Rossiya Premyer-ligasi klublaridan biriga o‘tishga yaqin.

"Chempionat" xabariga ko‘ra, 24 yoshli italiyalik futbolchi Qozonning "Rubin" klubi safiga qo‘shiladi. Klub va futbolchi bir yillik shartnoma imzolash bo‘yicha kelishuvga erishgan. Bitimni yana bir mavsumga uzaytirish imkoniyati ham ko‘zda tutilgan.

O‘tgan mavsum Salsedo Gresiyaning OFI klubi sharafini himoya qildi. U 36 ta uchrashuvda maydonga tushib, 13 ta gol urdi va 3 ta golli uzatmani amalga oshirdi.

Futbolchining bozor qiymati 1,5 million yevro atrofida baholanmoqda.

Rossiya chempionatining 9 turidan keyin "Rubin" 12 ochko bilan turnir jadvalida 7-o‘rinni egallab turibdi.