«Бавария» ҳужумчиси Харри Кейн Лионель Месси ва Криштиану Роналдунинг натижасини такрорлаш имконияти ҳақида фикр билдирди.

Кейн фаолияти давомида икки марта Европа лигаларининг энг яхши тўпурари бўлган. Агар у бу натижага учинчи бор эришса, Месси ва Роналдунинг кўрсаткичини такрорлайди. Улардан бошқа ҳеч ким «Олтин бутса»ни уч марта қўлга киритмаган.

«Месси ва Роналду бутун бир авлод давомида футболда ҳукмронлик қилди. Улар тарихдаги энг яхши футболчилардан. Улар билан бир рўйхатда бўлиш — алоҳида ҳис.

Бу менинг мақсадларимдан бири. Ҳужумчидан ҳар доим голлар кутилади. Албатта, «Олтин бутса» менинг ягона мақсадим эмас. Аммо шуни тушунаманки, агар уни қўлга киритсам, бу жамоага ҳам ёрдам берганимни англатади», — деди Кейн MARCA нашрига.

Янги мавсумда Кейн барча мусобақалар доирасида 6 та учрашувда 4 та гол урди ва 1 та голли узатмани амалга оширди.