Дортмунднинг «Боруссия» клубига тегишли ярим ҳимоячи Феликс Нмеча Англия Премьер-лигасининг топ-клублари қизиқиш доирасига тушди.
Журналист Экрем Конурнинг ижтимоий тармоқлардаги маълумотига кўра, германиялик футболчига «Ливерпуль» ва «Манчестер Сити» қизиқиш билдирмоқда.
Нмечанинг трансфери январь ойида амалга ошиши мумкин. Бунинг учун харидор клуб 80-90 миллион евро атрофида таклиф киритиши керак бўлади.
25 ёшли ярим ҳимоячи жорий мавсум Бундеслигада 3 та учрашувда майдонга тушиб, 2 та гол урди.
Нмечанинг «Боруссия» билан амалдаги шартномаси 2030 йил июнь ойи охирига қадар мўлжалланган.
