«Реал» ҳужумчиси Килиан Мбаппе Испания чемпионатининг 7-турида «Атлетико»га қарши ўйинда ғалаба қозонишни мақсад қилганини айтди.

«Бу ҳар доим ўйнашни истайдиган учрашувлардан бири. Унда катта босим ва кескинлик бўлади. Дерби «Реал» мухлислари учун ҳам, биз учун ҳам жуда катта аҳамиятга эга эканини яхши биламиз.

Айнан шундай ўйинларни интиқлик билан кутасан. Бу сафар эса меҳмонда майдонга тушамиз.

Менга «Сантьяго Бернабеу»дан ташқарида ўйнаш ҳам жуда ёқади. Чунки айнан шундай баҳсларда футболчиларнинг характери намоён бўлади. Бундай учрашувларда характер жуда муҳим.

Биз фидойилик, кайфият ва характер эвазига ғалабали сериямизни давом эттирмоқчимиз», — дея Мбаппенинг сўзларини AS нашри келтирди.

Ла Лиганинг 7-туридан ўрин олган «Атлетико» — «Реал» учрашуви 20 сентябрь, якшанба куни бўлиб ўтади.