«Монако» марказий ярим ҳимоячиси Ламин Камара Англия Премьер-лигасининг бир қатор топ-клублари қизиқиш доирасига тушди. Бу ҳақда журналист Экрем Конур ижтимоий тармоқларда хабар берди.
Манба маълумотига кўра, 22 ёшли сенегаллик футболчини «Арсенал», «Челси» ва «Ливерпуль» ўз сафига қўшиб олишга қизиқиш билдирмоқда.
Қайд этилишича, ушбу клублар вакиллари Камаранинг агенти билан дастлабки музокараларни ҳам ўтказган.
Ламин Камара 2024 йил ёзидан бери «Монако» сафида тўп суриб келмоқда. Унинг клуб билан амалдаги шартномаси 2029 йил июнь ойи охирига қадар мўлжалланган.
Transfermarkt портали ярим ҳимоячининг бозор қийматини 40 миллион еврога баҳоламоқда.
