Opta суперкомпьютери А Серия чемпионлиги учун фаворитларнинг янгиланган рейтингини тақдим этди.

4 турдан кейин турнир жадвалида «Интер» ва «Рома» 12 тадан очко билан пешқадамлик қилмоқда. Кейинги ўринларда 10 очкодан жамғарган «Комо» ва «Лацио» бормоқда. Кучли бешликни 9 очко билан «Кальяри» якунлаб турибди.

Opta ҳисоб-китобига кўра, чемпионлик учун асосий даъвогар — «Интер». Милан клубининг А Серияни ютиш эҳтимоли 40,7 фоиз деб баҳоланган.

Кучли учликдан «Рома» — 23,9 фоиз ва «Комо» — 18,1 фоизлик кўрсаткич билан жой олган.

А Серия-2026/27 мавсуми чемпиони бўлиш эҳтимоли, Opta талқини бўйича:

1. «Интер» — 40,7%

2. «Рома» — 23,9%

3. «Комо» — 18,1%

4. «Ювентус» — 6%

5. «Милан» — 3,7%

6. «Наполи» — 3,1%

7. «Лацио» — 2,4%

8. «Аталанта» — 1,2%

Қолган жамоаларнинг чемпионлик эҳтимоли 1 фоиздан кам.