Эквадор терма жамоасининг янги бош мураббийи Марсело Гальярдо жамоа дунё футболидаги энг кучли термалар билан тенгма-тенг рақобатлаша олишига ишонч билдирди.
«Эквадор ўзининг сифати ва мавжуд футбол салоҳияти билан жаҳон футболидаги ҳар қандай кучли терма билан тенг шароитда рақобатлаша олади.
Биз нафақат ўзимизни, балки бутун Эквадор халқини муносиб ифода этадиган жамоа қурмоқчимиз», — деди аргентиналик мутахассис.
Гальярдо келаси йилги Копа Америка ва 2030 йилги жаҳон чемпионати олдидан жамоа олдига қандай мақсадлар қўйилгани ҳақидаги саволга ҳам жавоб берди.
«Биз ўз олдимизга энг юқори мақсадларни қўйдик», — деди мураббий.
Эквадор терма жамоаси навбатдаги халқаро йиғинда Жанубий Корея ва Японияга қарши ўртоқлик учрашувларини ўтказади.
