«Барселона» вингери Ламин Ямаль жамоасига Чемпионлар лигасида жиддий қийинчилик туғдириши мумкин бўлган бир нечта клубни тилга олди.
"Биз учун «Бавария» ва «ПСЖ» каби жамоаларга қарши ўйинлар қийинроқ. Чунки улар жисмонан кучли ва сени кўп югуришга мажбур қилади.
Бутун учрашув давомида диққатни юқори даражада сақлаш керак. «Арсенал» билан ўйин эса бошқача. Уларда тактика ва тўп назоратига кўпроқ эътибор қаратилади.
Менимча, «ПСЖ» Чемпионлар лигасининг асосий фаворитларидан бири. Аммо улар учун энг қийин вазифа — қўлга киритилган совринни ҳимоя қилиш.
Футболда бундан қийинроқ нарса йўқ. Ғалабалардан кейин биз ҳам хотиржамликка берилиб қўйишимиз мумкинлигидан хавотирдаман", — деди Ямаль.
