"Барселона" вингери Рафинья клуб билан шартномасини узайтириш нияти борлигини маълум қилди.
Ўтган ҳафта каталонияликлар спорт директори Деку футболчи билан янги келишув масаласи албатта муҳокама қилинишини айтган эди.
"Ҳа, шартномани узайтиришни режалаштиряпман. 2028 йилгача амал қиладиган келишувни имзолаганимда, ўша пайтга келиб 30 ёки 31 ёшда бўлишимни ва қай даражада формада бўлишимни билмасдим.
Аммо бу мавсумни қандай бошлаганимга қараб, ҳали захирамда яна бир неча йил борлигини ҳис қиляпман.
Шартномани узайтиришдан жуда хурсанд бўлардим ва бошқа клубга ўтмасдан, фаолиятимни шу ерда якунлашга умид қиламан", — деди Рафинья RAC1 радиостанциясидаги Tu diràs дастури учун берган интервьюси анонсида.
29 ёшли футболчи жорий мавсум Ла Лигада 6 та учрашувда 9 та гол урди ва 3 та голли узатмани амалга оширди.
