"Манчестер Юнайтед" бош мураббийи Майкл Каррик жамоанинг сўнгги натижалари учун жавобгарликни ўз зиммасига олишга тайёр эканини билдирди ва айбдор қидириш ўрнига муаммоларга ечим топиш кераклигини таъкидлади.

"Айнан шунинг учун мен бу ердаман. Бу — менинг жавобгарлигим ва мен бунга тайёрман. Гап айбдор қидириш ҳақида эмас.

Биз доим нималарга эътибор қаратиш кераклигини топишга ҳаракат қиламиз, аммо баъзан бу жараён ҳаддан ташқари узоққа кетиб қолади", — дея Каррикнинг сўзларини BBC келтирди.

"Айбни мендан қидиринг — ҳеч қандай муаммо йўқ, жавобгарликни ўз зиммамга оламан. Аммо асосий масала кимнидир айблаш эмас, ечим топиш.

Бу — умумий иш. Ҳаммаси нималарга эътибор қаратаётганингизга боғлиқ. Мен жавобгарликни тўлиқ қабул қилишга тайёрман ва бу мени безовта қилмайди.

Қаерга боришни хоҳлаётганимизни биламан ва у ерга имкон қадар тезроқ етиб боришни истаймиз", — деди Каррик.

20 сентябрь куни "Манчестер Юнайтед" Англия Премьер-лигасининг 5-турида "Фулхэм"га қарши майдонга тушади.