"Manchester Yunayted" bosh murabbiyi Maykl Karrik jamoaning so‘nggi natijalari uchun javobgarlikni o‘z zimmasiga olishga tayyor ekanini bildirdi va aybdor qidirish o‘rniga muammolarga yechim topish kerakligini ta’kidladi.

"Aynan shuning uchun men bu yerdaman. Bu — mening javobgarligim va men bunga tayyorman. Gap aybdor qidirish haqida emas.

Biz doim nimalarga e’tibor qaratish kerakligini topishga harakat qilamiz, ammo ba’zan bu jarayon haddan tashqari uzoqqa ketib qoladi", — deya Karrikning so‘zlarini BBC keltirdi.

"Aybni mendan qidiring — hech qanday muammo yo‘q, javobgarlikni o‘z zimmamga olaman. Ammo asosiy masala kimnidir ayblash emas, yechim topish.

Bu — umumiy ish. Hammasi nimalarga e’tibor qaratayotganingizga bog‘liq. Men javobgarlikni to‘liq qabul qilishga tayyorman va bu meni bezovta qilmaydi.

Qayerga borishni xohlayotganimizni bilaman va u yerga imkon qadar tezroq yetib borishni istaymiz", — dedi Karrik.

20 sentyabr kuni "Manchester Yunayted" Angliya Premyer-ligasining 5-turida "Fulxem"ga qarshi maydonga tushadi.