"Барселона" ҳужумчиси Ламин Ямал Испания терма жамоаси билан жаҳон чемпионлигини қўлга киритган заҳотиёқ навбатдаги Жаҳон кубогини ютишни мақсад қилганини айтди.
Ямал 19 ёшида жаҳон чемпионига айланди. Бунга қадар у Испания терма жамоаси билан Европа чемпионатида ҳам ғолиб чиққан эди.
"Жаҳон чемпионатини ютган кунимнинг ўзидаёқ яна бир бор ғолиб бўлишни истадим", — дея футболчининг сўзларини Фабрицио Романо келтирди.
Шунингдек, Ямал "Барселона" билан Испания чемпионатида уч марта ғолиб чиққанидан кейин Ла Лигани яна камида шунча марта ютишни мақсад қилганини билдирди.
Transfermarkt портали маълумотига кўра, Ямал айни пайтда дунёнинг энг қиммат футболчиси ҳисобланади. Унинг бозор қиймати 220 миллион еврога баҳоланмоқда.
