«Барселона» ҳужумчиси Ламин Ямаль жамоадоши Рафинья ва Мадриднинг «Реал» клуби ҳужумчиси Килиан Мбаппенинг қайси жиҳатига ҳавас қилишини айтди.

— Бошқа футболчиларда сиз ҳавас қиладиган нимадир борми? Масалан, Мбаппенинг тезлигига?

— Ҳа, менимча, бу борада Мбаппе ва Рафинья мен учун намуна бўладиган икки футболчи. Машғулотларда Рафинья тўпни олдинга бироз суриб қўйиб, кейин шундай тез югурадики, уни ҳатто уч кунда ҳам қувиб етиб бўлмайди. Мбаппе ҳам худди шундай. Иккаласи ҳам жуда тезкор футболчилар.

Биз Педри билан унчалик тезкор футболчилар эмасмиз ва доимо «агар бизда уларникидек тезлик бўлганида, футболда ҳаммадан ёруғлик йиллари олдинда бўлардик», деб ҳазиллашамиз. Мбаппенинг тезлигига Педрининг техникаси қўшилса, у қандай футболчига айланишини тасаввур қилинг. Менимча, ҳеч ким ундан тўпни тортиб ололмасди.

Менимча, футболда энг катта аҳамиятга эга жиҳат — тезлик. Ахир, агар мен сендан тезроқ бўлсам, ҳар доим манзилга биринчи бўлиб етиб бораман ва гол ураман, — дея Ямалнинг сўзларини Movistar келтирмоқда.