«Челси» бош мураббийи Хаби Алонсо Англия чемпионатининг 5-турида «Брентфорд»дан учралган 0:3 ҳисобидаги мағлубиятдан сўнг жамоанинг энг яхши тўпурари Жоао Педронинг жароҳати баҳона бўла олмаслигини таъкидлади.
«Ҳаммамиз масъулиятни бирдек бўлишамиз. Барчасини баҳолашимиз, таҳлил қилишимиз ва келгусида яхшилашимиз керак. Бизнинг вазифамиз — гол уриш ва гол ўтказиб юбормаслик. Бугун эса ҳамма нарса бизга қарши кечди.
Ҳа, Жоао Педронинг жароҳати ўз таъсирини кўрсатди, аммо ҳозир баҳона излаш ёки улар ҳақида гапириш вақти эмас. Биз бир-биримизга қараб, қандай қилиб яхшироқ бўлишимиз мумкинлигини тушунишимиз керак.
Олдимизда ҳали узоқ йўл бор, аммо жуда кўп нарсани ўзгартиришимиз зарур. Бизда керакли позицияларга чиққан вазиятлар бўлди, лекин ҳал қилувчи ҳаракатларда етарлича аниқ бўла олмадик. Шунинг учун ҳам гол ура олмадик», — дея Алонсо сўзларини BBC келтирди.
