«Бавария» ҳужумчиси Харри Кейн Германия чемпионатининг 4-турида «Унион» устидан қозонилган 7:0 ҳисобидаги ғалабага изоҳ берди.
«Менимча, бу мавсумда шундай ўйинни кутгандик. «Бавария» яхши ўйнаётган эди, аммо, эҳтимол, ҳозирча ўтган мавсумдаги даражамизга тўлиқ чиққанимиз йўқ.
Шунинг учун терма жамоалар танаффуси олдидан шундай ўйин кўрсатиш ёқимли бўлди. Уч ҳафталик танаффусдан олдин очко йўқотишни истамадик.
Бошидан охиригача энг юқори даражада ўйнадик. Энди эса бу ғалабадан завқланишимиз мумкин», — дея Кейннинг сўзларини клуб расмий сайти келтирди.
