Австриянинг "Штурм" клуби ярим ҳимоячиси Лука Вайнхандл Англия клублари қизиқиши доирасига тушган. Бу ҳақда журналист Экрем Конур ижтимоий тармоқларда хабар берди.
Манба маълумотига кўра, 17 ёшли футболчининг ўйинларини Лондоннинг "Арсенал", Бирмингемнинг "Астон Вилла" ва "Брайтон" клублари диққат билан кузатмоқда.
Вайнхандлнинг ушбу жамоалардан бирига трансфери январдаги трансфер ойнасида амалга ошиши мумкин. Эҳтимолий келишув қиймати 20 миллион фунт, яъни тахминан 23 миллион евро атрофида баҳоланмоқда.
Жорий мавсумда Вайнхандл Австрия чемпионатида "Штурм" сафида бешта учрашувда майдонга тушди ва битта сариқ карточка олди.
