Италия А Сериясининг 5-турида «Монца» «Сассуоло»ни 2:1 ҳисобида мағлуб этди. Учрашувдан сўнг жамоа бош мураббийи Иван Юрич натижадан мамнун эканини билдириб, «Монца» яхши мавсум ўтказиши мумкинлигини таъкидлади.
«Йигитлар учун жуда хурсандман, чунки уларга бу уч очко ва ўзига бўлган ишонч жуда керак эди. Уларнинг кўпчилиги А Серияда илк бор ўйнаяпти. Менимча, учрашувни жуда ёш таркиб билан якунладик. Улардан хурсандман.
Айниқса, бугунги ўйиннинг биринчи бўлими биз учун энг қийин паллалардан бири бўлди. Шунга қарамай, яхши чемпионат ўтказишимиз мумкин, деб ўйлайман», — дея Юричнинг сўзларини derbyderbyderby.it келтирди.
Бу «Монца»нинг жорий мавсумдаги илк ғалабаси бўлди.
