«Арсенал» ва «Манчестер Юнайтед» «Байер» ярим ҳимоячиси Ибрагим Мазага қизиқиш билдирмоқда. 20 ёшли футболчи Бундеслигадаги ўйинлари билан Европанинг бир қатор клублари эътиборини тортган.

Goal маълумотига кўра, «Арсенал» ва «Манчестер Юнайтед»дан ташқари, жазоирлик футболчига «Манчестер Сити» ва «Атлетико» ҳам қизиқиш билдирмоқда. Ушбу клублар вакиллари футболчининг эҳтимолий трансфери бўйича вазиятни кузатиб бориш мақсадида унинг атрофидаги шахслар билан алоқада бўлиб турибди.

Маза 2025 йил ёзида «Герта»дан «Байер»га ўтган эди. Леверкузен клуби ярим ҳимоячини 70 миллион еврога баҳоламоқда.

Футболчининг «Байер» билан шартномаси 2030 йил июнь ойига қадар амал қилади. Шу сабаб клуб уни сотишга шошилмаяпти.

Маза асосан ҳужумкор ярим ҳимоячи сифатида ўйнайди, аммо марказий ярим ҳимоя ва қанотларда ҳам ҳаракат қила олади.

20 ёшли футболчи Жазоир терма жамоаси сафида 21 та учрашув ўтказиб, 2 та гол урган.