«Аталанта» бош мураббийи Маурицио Сарри жамоанинг A Сериядаги старти ҳақида ўз фикрлари билан ўртоқлашди.

Мавсумнинг тўртта ўйинида бергамоликлар 2 та ғалаба ва 2 та мағлубият қайд этиб, турнир жадвалида 11-ўринни эгаллаб туришибди.

«Бу менинг «Эмполи»даги тажрибамга ўхшайди, деган бўлардим. Тўққиз турдан сўнг биз жадвалнинг энг охирги ўрнида эдик, аммо якунда олий дивизионга чиқиш учун плей-офф финалигача етиб борганмиз.

«Наполи»да эса тўрт турдан сўнг бизда икки ёки уч очко бор эди. Бундай қийинчиликлар фаолиятим давомида мени доимо кузатиб келган. Менинг ягона яхши стартим «Челси»да бўлган, қолган барча ҳолатларда ҳамма нарса мураккаб эчган.

Аввалги ўйин услуби меникидан қанчалик фарқ қилган бўлса, стартда шунчалик кўп қийинчиликлар юзага келган. Ҳозир жамоани барпо этиш йили кетмоқда.

Спорт директори ҳам, клуб ҳам аниқ қисқа муддатли мақсадларни қўймаган — гап узоқ муддатли лойиҳа ҳақида бормоқда», — деди Сарри.