«Барселона» 2025/26 мавсуми учун молиявий ҳисоботлар ва 2026/27 мавсум бюджетига расман тасдиқ берди.
Ўтган мавсум якунларига кўра, клубнинг одатий фаолиятдан олган даромади рекорд даражадаги 1,06 миллиард еврони ташкил қилди. Шу тариқа, «Барселона» ўз тарихида илк бор йиллик даромад бўйича 1 миллиард евролик маррани босиб ўтди.
Клубнинг спорт соҳасига йўналтирилган харажатлари операцион даромаднинг 53 фоизини ташкил қилди. Таққослаш учун, 2020/21 мавсумда бу кўрсаткич 98 фоизга етган эди.
Шунингдек, «Барселона» 2026/27 мавсуми учун 1,195 миллиард евро миқдоридаги янги рекорд бюджетни режалаштирган.
Клуб бутун мавсум давомида «Камп Ноу»га қайтиши ортидан қўшимча равишда тахминан 60 миллион евро даромад олишни кутмоқда.
Режага кўра, харажатлар 111 миллион еврога ошади. Шунга қарамай, клуб мавсумни 1 миллион евро соф фойда билан якунлашни мўлжалламоқда.
Молиявий ҳисоботлар Ассамблея иштирокчиларининг 88 фоиз овози билан маъқулланди.
