«Реал»нинг собиқ футболчиси Гути «Атлетико» ҳужумчиси Хулиан Альварес ҳақида фикр билдирди. Унинг айтишича, мадридликлар учун аргентиналик форвардни ўз сафига қўшиб олиш амалда жуда қийин.
«Хулиан Альварес Моуринью учун яхши трансфер бўларди. Аммо «Атлетико» Флорентино Переснинг 150 миллион евролик таклифини аллақачон рад этган. Шунинг учун бу трансфер амалга ошишига ишонмайман», — дея Гутининг сўзларини AS нашри DAZN'га таяниб келтирди.
20 сентябрь, якшанба куни Хулиан Альварес «Реал»га қарши майдонга тушиши мумкин. «Атлетико» Ла Лига доирасида шаҳардош рақибини ўз майдонида қабул қилади.
