Франция терма жамоаси бош мураббийи Зинедин Зидан Энди Диуфнинг Миллатлар лигасидаги яқинлашиб келаётган ўйинлар учун миллий жамоага илк бор чақирилгани ҳақида фикр билдирди.

«Энди Диуфни чақириш — муҳим қарор. У менга жуда ёқади ва ҳозирги пайтда Франция терма жамоаси даражасида ўйнай оладиган футболчи, деб ҳисоблайман. Уни ҳимоя чизиғида синаб кўрмоқчиман», — деди Зидан.

Франциялик ярим ҳимоячи Кристиан Киву тизимида «Интер»нинг асосий ўнг қанот ҳимоячисига айланиб улгурди. У жорий мавсум А Серияда ўтказган 3 та ўйинида 3 та голли узатмани амалга оширди.

Диуф Чемпионлар лигасида «Реал»га қарши мағлубият билан якунланган учрашувда ҳам яхши таассурот қолдирди.

23 ёшли футболчи энди клубдаги муваффақиятли ўйинини терма жамоа даражасида ҳам давом эттириш имкониятига эга. Франция терма жамоаси олдинда Туркия, Бельгия ва Италияга қарши учрашувлар ўтказади.