Италиялик ҳимоячи Маттео Дармиан мавсумни шартномасиз бошлаш у учун жуда ғайриоддий ҳолат эканини тан олди. "Торино", "Интер" ва "Манчестер Юнайтед"нинг собиқ футболчиси айни пайтда клубсиз қолган ва бу вазиятни ўзи учун ғалати деб баҳолади.

"Ғалати ҳис. Илгари ҳеч қачон шартномам ҳам, жамоам ҳам бўлмаган ҳолатга тушмаганман. Буларнинг барчаси мен учун янгилик. Ҳозир болаларим билан кўпроқ вақт ўтказяпман, ҳатто улар билан Мадридга "Интер" ўйинини томоша қилиш учун ҳам бордим", — деди Дармиан derbyderbyderby.it нашрига.

Эслатиб ўтамиз, декабрь ойида Дармиан 37 ёшга тўлади. У аввал Италия терма жамоасига ҳам жалб этилган ва миллий жамоа сафида 24 та учрашув ўтказган.